Երկուշաբթի-Ուրբաթ 9։00-18։00
Շաբաթ 10։00-18։00
Հասցեն՝
ք.Վանաձոր, Վարդանանց 25
Կոնտակտային հեռախոս
+374 322 45126
+374 99 445621
Դուք կարող եք ստուգել գրքի առկայությունը Ազգային գրադարանի առցանց քարտարանի միջոցով
1967թ_ից սկսած՝ ամեն տարի ապրիլի 2-ը նշվում է որպես Մանկական գրքի միջազգային օր։ Օրը պատահական չէ ընտրված, քանի որ հենց այդ օրն է ծնվել հեքիաթասացների արքան՝ մեծերի եւ փոքրերի կողմից սիրելի Հանս Քրիստիան Անդերսենը։ Այդ օրը միջոցառման կազմակերպիչները քարոզում են մանկական գրականության կարևորագույն դերը նոր սերնդի հոգևոր ու մտավոր զարգացման գործում:
Այսօր Լոռու մարզային գրադարանում տեղի ունեցավ միջոցառում՝ նվիրված ֆրանսահայ նկարիչ Գառզուի գործունեությանը։ Սա ֆրանկոֆոնիայի շրջանակներում կազմակերպվող միջոցառումներից երկրորդն էր։ Ներկաները դիտեցին Պարգև Մալայանի «Գառզու» փաստագրական ֆիլմը, որ ներկայացնում էր մեծ նկարչի կյանքի և ստեղծագործական գործունեության համառոտ նկարագիրը։
Մարտի 22-ին Լոռու մարզային գրադարանում մեկնարկեց ֆրանկոֆոնիայի շրջանակներում անցկացվող միջոցառումների շարքը։ Առաջին միջոցառումը նվիրված էր ֆրանսիական պոեզիային։ Բանախոսը՝ Լոռու մարզային գրադարանի աշխատակից Կարեն Մանուչարյանը, համառոտ պատմական ակնարկի միջոցով ներկայացրեց ֆրանսիական պոեզիայի ծագման և զարգացման ընթացքը, անդրադարձավ գրական պարբերափուլերին։
Մարտի տասնվեցին Լոռու մարզային գրադարանում տեղի ունեցավ հայ մեծ բանաստեղծ Եղիշե Չարենցի 125-ամյակին նվիրված միջոցառում։ Բանախոսը Վանաձորի պետական համալսարանի դասախոս, բանասիրական գիտությունների թեկնածու, դոցենտ Գայանե Մալումյանն էր։ Նա ներկայացրեց Եղիշե Չարենցի «Երկու սոնետ» պոեմը, որ ոչ այնքան հայտնի է լայն շրջանի ընթերցողներին։