ՄԻՋՈՑԱՌՈՒՄՆԵՐ

Այսօր Լոռու մարզային գրադարանում տեղի ունեցավ մանկավարժ, հոգեբան Նորա Ահարոնյանի «Կարոտի հուշեր» գրքի շնորհանդեսը: Ներկա էին գրադարանի աշխատակիցները, Նորա Ահարոնյանի մտերիմները, գրականությամբ հետաքրքրվող անձինք: Միջոցառումը վարում էր գրադարանի աշխատակից Կարեն Մանուչարյանը:

Լոռու մարզային գրադարանի մի խումբ աշխատակիցներ տնօրեն Կ. Հակոբյանի հետ միասին հյուրընկալվեցին Վանաձորի Հ. Աբելյանի անվան պետական դրամատիկական թատրոնում։ Հանդիպման ընթացքում քննարկվեցին թատրոնի ստեղծագործական ծրագրերն ու հետագա անելիքները:

Անկախության տոնը Հայաստանում նշվում է ամեն տարի սեպտեմբերի 21-ին։ Այն Հայաստանի պետական և ազգային տոներից մեկն է, որին անդրադարձել է նաև Լոռու մարզային գրադարանը՝ կազմակերպելով  միջոցառում և  ցուցադրություն : 

Աղասի Այվազյանը ծնվել է Վրացական ԽՍՀ Աբասթուման ավանում։ Սովորել է Թբիլիսիի գեղարվեստի ակադեմիայում (1942), Թբիլիսիի պետական համալսարանի բանասիրական ֆակուլտետում, Երևանի գեղարվեստա-թատերական և ֆիզիկական կուլտուրայի ինստիտուտներում (1945-1948)։ Տարբեր հիմնարկություններում աշխատել է որպես նկարիչ-մուլտիպլիկատոր, գծագրող, կոնստրուկտոր, լրագրող։ 1965-1973 թվականներին եղել է «Գրական թերթի» արձակի բաժնի վարիչը, 1973-1981 թվականներին՝ «Էկրան» ամսագրի գլխավոր խմբագիրը։ Որպես ռեժիսոր աշխատել է «Հայֆիլմ» կինոստուդիայում։ 1967 թվականին «Հայֆիլմ» կինոստուդիայում նրա սցենարով նկարահանվել է Եռանկյունի (Ֆիլմ) կինոնկարը, որը երկրորդ մրցանակ է ստացել 1968 թվականի լենինգրադյան համամիութենական փառատոնում։ 90-ականների սկզբին խմբագրել է «Հայություն» շաբաթաթերթը։