Ապրիլի 21֊ին ֆրանկոֆոնիայի միջազգային միամսյակի միջոցառումների շրջանակներում Լոռու մարզային գրադարանի Մանկական բաժինը հյուրընկալեց Վանաձորի թիվ 3 հիմնական դպրոցի 9֊րդ դասարանների աշակերտներին (ֆրանսերենի ուսուցչուհի՝ Արփինե Առաքելյան, փոխտնօրեն՝ Նարինե Պողոսյան, սոց. մանկավարժ՝ Լիլիթ Հարոյան, դպրոցի գրադարանավարուհի՝ Տաթեւիկ Խաչատրյան)։
Վառ եւ ինքնատիպ կատարումներով համեմված միջոցառման ընթացքում նրանք ֆրանսերենով ներկայացրեցին Անտուան դը Սենտ֊ Էքզյուպերիի «Փոքրիկ իշխանը» անմահ ստեղծագործությունը, որի 80֊ամյակն, իդեպ, նշում ենք այս տարի։